Boneco de neve 2

Seguimos traballando no noso boneco de neve ao que esta semana lle engadimos cousas novas. Comezamos a utilizar o dado e puxemos no noso boneco as tarxetas das mans e dos paus de conteo.

Tamén traballamos a grafía dos números; estamos a voltas co número 2, ao que decoramos con boliñas de papel de seda que primeiro rasgamos e envolvemos

Papá e mamá podemos xogar na casa a recoñecer números se vós mos escribides, e a contar cousiñas. Seguro que nos divertiremos xogando con vós e aprendendo.

Presentación do 2º trimestre

 Os peques do Xurés neste novo trimestre vamos embarcarnos nunha morea de experiencias e aventuras.

- Continuamos coa aventura das emocións na arte. Recoñeceremos nas primeiras semanas a alegría e a diferentes pintores que nos expresan alegría nos seus cadros.

- Empezamos a coñecer o mundo das vogais, dos números (conteo e recoñecemento)

- Aventurámonos con experiencias de inverno na mesa de luz e mesa sensorial

...

Traballaremos moito para non sentir o frío, como podedes ver nos paneis da nosa clase

Que alegría!

Continuamos sentindo e expresando emocións, e desta volta as nosas "sesións de emocións-arte" estarán adicadas a unha emoción que nos fai sentir moi ben: A ALEGRÍA

Olaf contounos moitas cousas sobre esta emoción. Encantounos compartir con el os nosos sorrisos.

Expresamos este sentimento, comunicamos vivencias, bailamos, relaxámonos, creamos...

Pero ademais encantounos subir ao tren da alegría coa profe e disfrutámolo desta maneira...

Si queremos escoitalo e bailar na clase este é o enlace

Rematamos coa tristeza

 Recordades que rematamos en decembro traballando a emoción da tristeza con Frida Kahlo? Pois experimentando coas nosas posibilidades creativas, expresamos así a tristeza de Frida

Boneco de neve (conteo)

 Estamos tendo un mes de xaneiro moi invernal e aproveitámolo para xogos matemáticos con temática de inverno.

A través destes xogos tentamos desenvolver diferentes habilidades matemáticas: relación grafía-cantidade, a serie numérica, o conteo... E, ademais de aprender divertímonos

O xogo desta semana foi co boneco de neve: representación con signos (grafías) e representación simbólica-conteo (botóns)

"Minimundo" con neve na mesa de luz

 A actividade máis divertida da semana foi sen dúbida facer neve (espuma de afeitar e maicena). Utilizamos espuma de afeitar que nos proporcionou unha experiencia sensorial moi divertida. 

Despois creamos; si, si,creamos un "minimundo" na nosa mesa de luz. Un espazo para os nosos pingüíns e oso polar.

Observade as nosas caras de ilusión e a nosa implicación. Foi unha experiencia realmente divertida!!!

8ª Parada: Castro de San Cibrao de Las (Punxín)

 Canto viaxamos e aprendemos con este proxecto!

Esta semana chegamos a Punxín para visitar o CASTRO DE SAN CIBRAO DE LAS. Impresionounos!

Visionamos na pantalla os restos arqueolóxicos do castro e a festa que nel se celebra, a "NOITE DAS PERSEIDAS"

E, con cordón e agulla representamos a CONSTELACIÓN DE PERSEO e CHOIVA DE ESTRELAS que se observa a noite de San Lourenzo no castro

Este foi o resultado