Despídome

 Aquí rematamos o curso, o voso 1º ano de Infantil. Aprendestes números, letras, a ordenar tantas cousas, a plantar, a emocionarnos..., pero sobre todo a cantar, a rir e a "abrazar".

Xa sabedes cales son as tarefas para o verán: que leades un contiño cos papás, disfrutade con eles, explorade a natureza, xogade cos amigos, comede un xeado de vez en cando... co tempo aprenderedes que o mellor da vida está nas pequenas cousas.

Recordade que sodes uns campeóns, intentai que a vosa curiosidade non desapareza, inventai, creai e apasionádevos.

Intentei ensinarvos e que disfrutarades aprendendo. Fixestesme sentir xenial, traballei con ilusión pensando que formaba parte da vosa vida.

Síntome orgullosa e feliz de ter sido a vosa profe e de recibir sempre de vós un cariño infinito.

GRAZAS INFINITAS. EXTRAÑAREIVOS UN MONTÓN. 

ATA PRONTO E DOCE VERÁN.

A vosa profe Manoly.

Rematamoooss!!!

 Foron días dun traballar contínuo, pero mereceu a pena.

Pintamos para decorar as bolsas para os nosos traballiños

Vede o resultado

Picamos, pintamos e derramamos area para crear as nosas portadas

Pero... non todo foi traballo, tamén tocou festa e merenda e agasallos dos que disfrutamos

Final do noso roteiro

 Este luns quixemos que toda a comunidade educativa disfrutase con nós e nos axudasen na nosa gymkana que preparamos para dar a coñecer o noso traballo no proxecto anual do cole: ROTEIRO TERMAL.

Na nosa parada mostramos todo o que se fixo no cole das comarcas de Viana do Bolo, Monterrei e Verín. Que orgullosos nos sentimos do nos traballo!!

Grazas aos papás de Fernando que tantos nos axudaron e coidaron ao longo da mañá no nos percorrido.

Pintamos sen patróns

 Como necesitábamos serenarnos e tranquilizarnos un pouquiño saímos ao patio a disfrutar, divertirnos e a expresarnos sen patróns preestablecidos. Como disfrutamos!!

E como temos o cosquilleo da arte nas nosas cabeciñas, sobre a nosa tela pintada estampamos e estampamos sen cansar

E así decoramos a nosa clase para que non se sinta tan vacía durante as nosas vacacións

O baile da selva

 Chufa non podía rematar o curso triste. Aprendeu a bailar e rodeada dos mellores amigos!

Que marionetas fixemos de Chufa! Baila e móvese soa!

E, coas nosas manciñas eliximos e creamos os amigos de Chufa. Divertido baile!

Twister!!

 Esta última semana repasamos: figuras xeométricas, cores, conceptos, números, pero...como o fixemos? XOGANDOOO!!! porque o xogo foi a motivación da aprendizaxe da nosa clase durante todo o curso.

Pé dereito no cadro azul, man esquerda no círculo vermello...O TWISTER!! Divertímonos moito a vez que reforzamos os nosos coñecementos.

Gozando dun día especial

 Achegámonos ao final do noso primeiro ano no cole, xa estamos algo cansiños, por iso os profes buscan saír un pouquiño da rutina diaria e aproveitando o bo tempo fixéronnos disfrutar dun bonito día de andaina, comida e baile. Que ben o pasamos!!!

Chufa, mono, elefante...

 Xa temos todos os animais preparados para o baile da selva. Quédanos montarlles o decorado. Todos están preparados: xirafa, mono, elefante, rino...