Vimos na pizarra dixital imaxes de inverno, ao ritmo da música de inverno de Vivaldi
Poidemos ver imaxes en cor branca, morada, azul..., cores características do inverno
Despois do visionado das imaxes realizamos unha actividade moi motivadora: simetría con temperas de cores invernais sobre unha cartulina
A profe contounos o conto da "Historia dun cadrado". Identificamos cadrados e realizamos series de dous elementos con cadrados de cores.
Que ben o fixemos!
Contamos na clase con diferentes materiais para traballar os números ata o 10; esta semana xogamos coas cartas de inverno (o noso centro de interese) e practicamos o recoñecemento dos números e o conteo con dous xogos que nos propuxo a profe.
Mirade con que interese traballamos
Cada vez que vemos a profe cambiar o noso panel das emocións tratamos de adiviñar que emoción vamos coñecer e preguntámoslle de que cor serían os tentáculos de Blef.
Os tentáculos de Blef son rosa! Este mes será a emoción do amor/amizade a que descubramos. Saberemos: que é?, que nos quere moito e a quen queremos? e como podemos expresalo
Tres foron os libros que lemos esta semana relacionados co amor
Disfrutamos un montón traballando xuntos na nosa mesa sensorial e esta semana estreamos actividades: clasificación e insertables.
Como estivemos aprendendo co cadrado xogamos a atopalo e diferencialo doutras formas xeométricas. Tamén fixemos torres moi grandes insertando anacos de palliñas, que clasificamos por cores.
Chegamos a Cortegada na nosa onceava parada e achegámonos o Pazo dos Sarmiento en Meréns onde atopamos o escudo máis grande de Galicia que recolle varios apelidos. A clase de 3 anos xa conta tamén cos escudos dos apelidos dos seus nen@s.
Esta semana seguimos traballando coas vogais dos nosos nomes e cos nomes. Centrámonos na discriminación visual do nome.
A profe escribíunolo nos nosos libros e a misión do encargado do día é recoñecelos e darnos a cada un o noso libro
Familias podedes escribir os nomes nun folio e xogar cos vos@s fill@s a recoñecelos
